இலவச தர பரிசோதனை வேலைத்திட்டத்தின் மூலம் வெற்றிகரமான 10 ஆண்டுகளின் கூட்டணியை கொண்டாடும் AMW மற்றும் நியூ ஹொலண்ட் டிராக்டர்கள்
இலங்கையின் வாகனத் துறையில் முன்னணி நிறுவனமான Associated Motorways (Private) Limited, இலங்கையில் உள்ள New Holland Tractors இன் பிரத்யேக விநியோகஸ்தராக, வெற்றிகரமாக பத்து ஆண்டுகளை நிறைவு செய்கிறது. இந்த கூட்டணியின் மூலம், இலங்கை முழுவதும் உள்ள விவசாய பெருமக்களுக்கு நம்பகமான உபகரணங்களையும், சிறந்த சேவையையும் வழங்கி, விவசாயத் துறைக்கு முக்கியமான சேவையை அர்ப்பணித்து வருகிறது. இந்த வெற்றிகரமான கூட்டணியை கெளரவிக்கும் விதமாக, எதிர்வரும் மஹா பருவத்தை முன்னிட்டு, இலங்கையின் பல்வேறு பகுதிகளில் உள்ள தமது வாடிக்கையாளர்களுக்கான உழவு இயந்திரங்களுக்கான இலவச தர பரிசோதனை வேலைத்திட்டத்தை முன்னெடுத்தது.
இந்த தர பரிசோதனை வேலைத்திட்டம் ஒக்டோபர் மாதம் முழுவதும், முல்லைத்தீவு, ஹொரவ்பொத்தான, மட்டக்களப்பு மற்றும் சம்மாந்துறை போன்ற முக்கிய வேளாண்மை பிரதேசங்களில் AMW இன் சேவைக்குழு செயல்படுத்தியது. எதிர்வரும் மஹா பருவத்தினை கருத்தில் கொண்டு, New Holland Tractors இவை உகந்த நிலையில் இருப்பதை உறுதி செய்வதன் மூலம், உள்ளூர் விவசாயிகளுக்கு ஆதரவு வழங்குவதே இந்த பரிசோதனை வேலைத்திட்டத்தின் முக்கிய நோக்கமாகும். ஒரு மாதம் காலமாக நடைபெற்ற இந்த வேலைத்திட்டத்தில், 100க்கும் மேற்பட்ட தர பரிசோதனைகள் மேற்கொள்ளப்பட்டன. இது நிறுவனத்தின் விவசாய பெருமக்களை ஆதரிக்கும் அர்ப்பணிப்பை வெளிப்படுத்துவதோடு, அவர்கள் வாழ்வாதாரத்திற்கு முக்கியமான உபகரணங்களை சிறப்பாக பராமரிக்க உதவியது.
பங்குபற்றிய விவசாய பெருமக்களுக்கு, உழவு இயந்திர பராமரிப்பு தொடர்பான நுண்ணறிவுகளை தேர்ச்சிபெற்ற New Holland தொழில்நுட்ப வல்லுநர்கள் வழங்கினார்கள். அதோடு, நிபுணத்துவ தொழில்நுட்ப ஆலோசனைகள் மற்றும் பல்வேறு நன்மைகள் AMW மூலம் வழங்கப்பட்டது. மேலும், தரம்வாய்ந்த உயர்தர உதிரிபாகங்களுக்கு விசேட தள்ளுபடி வழங்கப்பட்டதோடு, முக்கிய உதிரிப்பாகங்களை மலிவு விலையில் பெறுவதற்கான வாய்ப்பு கொண்டிருந்தது. மேலும், ஏதேனும் அவசர பழுதுபார்ப்பு தேவைகள் உள்ள இடங்களில், AMW குழுவினர் உடனடியாக சேவை செய்தனர், இதன் மூலம் விவசாயிகள் தமது பணிகளை இடையூறு இல்லாமல் மீண்டும் தொடங்க முடிந்தது.
AMW, அதன் வாடிக்கையாளர்களை ஆதரிப்பதில் பெருமிதம் கொள்வதோடு, விவசாயிகள் வாழும் சமூகங்களுக்கும், அவர்களின் தேசிய பொருளாதாரத்தில் உள்ள முக்கிய பங்கிற்கும் பெரும் அங்கீகாரம் அளிக்கிறது. இலங்கையின் வாகனத் துறையில் முன்னணி நிறுவனமாக, AMW விவசாயத்துறையில் சிறந்த சேவையை வழங்கி, விவசாய சமூகத்தின் முன்னேற்றத்திற்கு, அவற்றின் வாழ்வாதார வளங்களை பாதுகாக்க, மற்றும் உயர்ந்த பராமரிப்பு பணிகளை உறுதியுடன் வழங்கி செயற்பட்டு வருகிறது.